2016年1月7日 星期四

♥♥ 36w1d ♥ 媽咪之憂慮...妊娠糖尿...(下)


~ MuiChi ● 37w2d ~ 

上集提到小高中了妊娠糖尿,因此要自我監察及控制飲食,

起初小高真的很乖依足營養師的吩咐控制飲食,每晚都會外出散步,

直到踏入懷孕周期八個月多,知道同期的媽媽們都開始放縱,

加上想到將要餵人奶,比現在戒口更要戒得清,所以......

小高便不乖,飲奶茶(一知道有左就無再飲過啦!)、奶油豬、奶油多、

熱香餅、五香肉丁米、忌廉湯等......進食的份量亦比之前多......



某個周日早上,心血來潮好想好想出城到《翠華》吃早餐,

不顧照標的後果......柯打了魚腐米線、奶油豬(吃半份)、熱奶茶(1/3杯)。



















 




結果創下歷史性新高 "9",之前試過一次超標8.2,已相當內疚,這次更過份!



 



























怎樣才算血糖過高呢?

 




























正常空腹血糖應低於5.3mmol/L(即早餐前),餐後兩小時為6.7mmol/L。

醫生說過不超過7也可接受,但這一頓翠華早餐竟然是9...真的嚇了一跳...... 


不斷跟自己說一餐半餐就算......之後小心d...

過兩天,為食小高又按捺不住趁產檢當天不用太早出門,吃了麥當當早餐,

點了芝魚堡、熱香餅(半份)和奶茶(半杯)...當然又超標啦!指數是7.4 =.="。



上月23號,約35周,那天早上回去見梁醫生照超聲波及驗b鏈,

妹chi一路以來所有指標都合格,在範圍之內,但這次梁醫生說BB肚仔比較大,

磅數已有5磅12安士,兩周前妹chi才3磅7安士,

生長速度有點快(不過呢個月大得快亦是正常),加上我一直都想順產,

所以醫生叮囑我要好好節制飲食,若要順產會較吃力。


但我還是不太乖...飲食上雖有節制,但之前飲了兩、三次奶茶,

心癮又起......總覺得每次飲少少,唔覺既、唔覺既......!!


臨近生產期檢查次數較密,由四星期見一次醫生或到健康院,改為兩星期。

因我私家、政府兩邊檢查, 看了私家一周後回瑪麗見醫生

(可能我妊娠糖尿,有時要返贊育,有時返健康院,今次返瑪麗...),

這次遇上一位好惡好惡的女醫生,不過...我知道她的出發點都是為我好。



一入房,女醫生二話不說要求要檢看血糖記錄冊,

細看下,立即說呢道唔得、果道唔得......

 





























她更說:「你知唔知你呢個月更加要小心......!知唔知後果有幾嚴重?」

其後說出妊娠糖尿病會提高懷孕風險,包括胎兒過重、肩難產、畸胎、

胎死腹中等,就算平安出生,嬰兒日後患糖尿病或代謝綜合症的機會亦會提高!



令小高愈聽愈驚,愈聽愈內疚(眼淚也差點流出來)......一直以來沒想太多,

只怕吃太多BB生長得太快難以順產,亦有擔心過產後會增加患糖尿病的風險,

就是沒想到會對BB造成這麼大影響!被這位女醫生狠狠提醒後,內疚不已!


小高真的不敢再放肆了!妹chi,媽mi愛你,

你一定要平安健康出世,為了你,媽mi會努力的,忍口忍口!



有時令我更加忟、不開心的是小高媽講極都唔明,我跟她說有妊娠糖尿,

既不能吃甜,也不能吃太多,她就覺得是我不吃......


又說人家怎樣怎樣...當初怕bb size太大成日不吃,結果bb出世得5磅幾,

生完就來後悔,又說個個孕婦都糖尿高,誰說的?根本就是一知半解。 


真的愈說愈生氣,最怕她什麼都愛比較......在生兒育女方面,

她的確富有經驗,可是...時代不同...我慶幸請了陪月ee,否則......

我深信我脾氣再好,也受不來......小高媽有時真的很煩呢 ~ 伸完!


20 則留言:

  1. 小高唔怕,我兩胎都有妊娠糖尿,不過兩次都冇忍口照食,如果唔太嚴重,其實生完好快回復正常的,唔洗怕呀~~~祝福你喔 =)

    回覆刪除
    回覆
    1. Sammi, 早呀!謝謝你的分享和安慰!連續幾日都無事架....昨天早上只吃豬柳蛋和半塊薯餅,已經唔敢飲朱古力、豆漿....點知都超標,幸好,只超一度....醫生話唔過7都ok!
      唔知我係咪易吸收呢....好似食多少少都易肥既....加上比醫生話一話,真係擔心架!bb上周已經6磅多啦 ~ 可能到妹chi出世時7磅(←自己諗XD)。

      刪除
  2. 啊~ 你講完我都驚驚地,有時真係食多左,好鞋難預,我前兩日食完茶餐,似熱檸水走甜都超標,真係煩惱,可能無菜⋯。

    回覆刪除
    回覆
    1. 小溫太,係囉係囉...有時真係唔知點好...我昨天早上只吃豬柳蛋及半塊薯餅o乍,已經唔敢飲朱古力、豆漿有糖份的飲品....點知都超標,好在係一度....真係煩!
      依家盡量小心d,可以的話早餐後、午餐及晚餐都去散,不過早餐和午餐要等到周六日唔駛返工先得....平時好難做到!
      無菜都係主要原因來的,不過吃早餐同茶餐好難有菜,尤其出街食!=.="

      刪除
  3. 小高,我自己都中”妊娠糖尿”,可能我後期先中,所以我戒得好清,只要辛苦多一陣子,就得。加油。

    回覆刪除
    回覆
    1. 嘉路,謝謝你呀!忍忍忍...為左妹chi,我要忍口!
      不過叫一個鐘意煮同鐘意食的人來戒口真係好辛苦,尤其前排看了中醫, 牛、辣嘢、雞都話唔好食...令我更加唔知食咩好!><

      刪除
  4. 小高加油, 我第一胎BB 7磅8 重, 如果BB 太大, 順產會辛苦少少. 不過小高放心, BB 現在個size 好好, 放鬆D, 吾好俾太多壓力自己.

    回覆刪除
    回覆
    1. Kwan, 謝謝你的分享和安慰!上周四再見妹chi, 已有6磅10安士啦 ~
      醫生都話一切ok, 都係肚仔大左少少...不過都在範圍之內,我想順產,所以醫生都係果句要keep住控制飲食!
      謝謝你,我會放鬆、放鬆.... ^^

      刪除
  5. 雖然我無妊娠糖尿但我記得生完後多數都ok, 個醫生可能講得誇d 等你驚下je, 唔駛擔心,我知你好錫bb 架。 伯友都係一片好心,怕你個bb 唔夠健康, 其實上一輩既人想法係同我地唔同架啦,佢地覺得大左肚就可以狂食,我地呢輩真係唔健康唔食,同埋又要忍口架。 加油小高,終點在望,生完就柳暗花明又一村啦,哈哈

    回覆刪除
    回覆
    1. 謝謝Mrs Wu, 我都知醫生咁講係為左我好.....始終生bb真係好多嘢令做媽媽的擔心,尤其係小高的第一胎...所以難免緊張,始終小心d好!不過我會學習放鬆面對 ~
      其實我都知,阿媽又點會唔鍚我和粒孫,仲要第一個....老一輩o既想法真係同我地好唔同,真係覺得大肚就要狂食,衰在有次大表姊o係深圳落離玩同我吔食飯,又幫口話當年我都係咁食.......而主任又唔想介入我同小高媽中間,好多時都唔出聲,搞到我好似好衰架....唉!
      之後生左妹妹我怕仲煩,我阿媽同阿爸已經買定好多黃酒(幾箱幾箱)...話要一日一隻雞,我們客家人要飲雞酒,但我之前問過醫師依我體質未必好適合,尤其頭頭先完果幾日....唔知點算好!煩....
      不過我會努力的!謝謝你呀!:D

      刪除
    2. 我想講生完如果你要餵人奶,其實未必飲到酒架,因為我記得我個陣飲過一次,bb 皮膚就出哂粒粒,可能燥一濟。 不過個個bb 唔同,你自己衡量啦,加油!你係媽媽,你知道比d 咩係對個bb 好!

      刪除
  6. 我之前懷孕都中了糖尿,我同意醫生的講法,自己事小,BB健康事大(如BB日後患糖尿). 為了BB,媽媽要乖乖忍口啊! 加油!! 在老公嚴格監視下,我個囡出世都有6磅9,我仲要是開刀早兩星期生的. 所以只要聽醫生,營養師的話,BB都會健康足磅出世的,放心啦!

    回覆刪除
    回覆
    1. 你好,請問點稱呼你?多謝你的分享呀!:)
      認同,我唔想因為我的為食之過害到BB...真係會令我一世後悔,寧願小心d好。
      BB上周check已經有6磅10安士,呢個size已經好好,加上囡囡叻叻聽媽mi話要等到足月先好出來見我們呀!我諗出世時有機會7磅,所以都要keep住控制飲食!

      刪除
  7. 唔好忟啦小高~~上一輩生長環境唔同,同我地諗法自然唔同,聽完就算,最重要你心安理得!放心,好快就捱完,加油^3^

    回覆刪除
    回覆
    1. 艾華斯,謝謝你!我明既....伸左都舒服好多啦 ~
      畢竟,長輩的出發點都係為我好,我是知道的,但有時不被諒解感到有少少委屈,令我更加唔想同講太多...怕愈講愈煩....
      btw, 小高會加油架!thanks ah ~

      刪除
  8. 我35周到照囡囡有6磅幾~出世5磅8到咋~唔好咁擔心~食清d就得架喇小高~

    回覆刪除
    回覆
    1. 黃師奶,差咁遠既......最終黃小b幾多周出世?
      知道,我會加油架啦!謝謝呀 ~

      刪除
  9. 我個時兩胎有中左, 小吃多餐, 小殿分質, 多散步, 加油呀!

    回覆刪除
  10. 小高,半夜扎醒睇完,首先你唔好炆住,加上小高媽同爸緊張你同妹chi先會有咁嘅行為,加上想你生完坐月時快啲複元身體。始終時代唔同先有呢啲分岐。我記得我弟婦有我姪女時,我媽嘅舉動就好似小高媽咁,我弟婦採取做聾耳陳 (因為我弟婦嘅妊娠糖尿都幾嚴重)。後尾姪女出世時,本身順產,但我弟婦唔夠氣生極都生唔到,後尾變咗開刀。我姪女出世時係比做產檢時輕,因為胎水多。

    你已經差不多到終點啦,保持心境開朗,放鬆!加油~期待妹chi出世 ^^

    回覆刪除
  11. 加油呀小高, 忍埋呢兩個月啦(連埋坐月)~~ 雖然話餵人奶要戒口, 但其實只要戒太重口味的野就可以架喇!!支持你!

    回覆刪除

Related Posts Plugin for WordPress, Blogger...