2014年10月31日(五) ~
期待又期待的10月31日終於來臨！今天既是萬聖節，
也是
給人見人愛的Ma B......
Ma B的爸爸媽媽特意為她安排生日派對，小高的任務是.......
教小朋友製作 icing cookies... 既期待又緊張呢 ~
之前小高試過教Ma B兩姊弟整 icing cookies， 人少場面易控制，
不過...今天加起Ma B姊弟二人，共有九位小朋友，
既熱鬧又具挑戰，希望小高應付得來！
每次上門教班，小高也準備十足，這次也不例外！:D
花了近一星期的時間準備近80多塊曲奇。
set 好架步準備開工......
小公主生日加上有多位小公主陪她過生日，
一於以公主裙作主題，配上皇冠、蘑菇及萬聖節造型等曲奇。
待風乾「整靚靚」入包裝袋！
11月1日小高好妹妹魚魚為女兒安排了百日宴，
壇已開，便一口氣繼續整、整、整......
最終活動順利完成，看著每位小朋友帶著開心笑臉回家去，
之前所準備的一切也不覺得是什麼，一點也不覺累！
更窩心的是在晚上收到Ma B傳來Whatsapp，一句道謝足以令小高心甜！
有Ma B 陪伴收捨東西，感覺真sweet ~
希望Ma B會喜歡高高姐姐為她準備的小心意。
生日快樂 + 萬聖節快樂！願你如童話般的公主能夠擁有一夥善良、
純真的心，繼續笑臉迎人，開開心心活在幸福之中。:D
嘩，小高好犀利呀，一個人整咁多，勁勁勁~~~~
回覆刪除糖霜曲奇真係好靚呀，收到的小朋友一定超開心呢 ^^
Sammi, 多謝讚賞！>3 為了今次的大型製作真係花左唔少時間。
刪除但小高為Ma B是非常樂意的，我知道她很期待這個生日party，最初都唔敢認承Ma B媽媽，皆因那天10月31日星期五仲要返工，呢排忙又唔想請假，但要等到我放工五點幾先開始焗餅做裝飾實趕唔切。
為了唔好讓小朋友失望，我決定提早開工，自家焗哂的餅乾，同埋裝飾定，到時就簡單示範同比佢o也親身整icing cookies。
其實話就話簡單示範，但每個小朋友都想輪流參與，只係整個粉糰都好花時間。
一次過整了咁多曲奇, 你很厲害呀~~ 而且小朋友又有得食又得玩, 一定好開心~~
回覆刪除多謝Helen的讚賞！呢批曲奇都分開左成個星期做，所以周六日唔敢去街！
刪除見到一班小朋友咁開心，之前的辛勞一掃而空！^^
wow!! 好靚呀!! 大人收到都開心, 何況小朋友呢?!! 收到的人好幸福呀!!
回覆刪除Ishiha, 真係好多謝你！^^
刪除見到佢o也開心，之前都辛勞都忘記哂，真係好開心！:)
小高~你好勁呀!一下子整咁多呢~
回覆刪除原來Ma B 咁大個喇~哈~時間真係過得好快呢~!
黃師奶，多謝你，謝謝讚賞！:D
刪除小高都係盡力去做，好耐無整餅la，頭兩日仲要密密做真係有d腰酸背痛，人要老起上來真係好快！:P
真係唔覺唔覺，昔日的手抱的Ma B依家已經七歲大啦！時間飛逝 ~
勁！！！
回覆刪除Florence, 多謝你的誇獎，邊係呢 ~
刪除小高，原來你之前適嘅大工程就係呢兩個。真係好靚呀! 你咁有心機，小朋友一定感受到。祝Ma B 快高長大，愈來愈可愛！
回覆刪除CiCi, 早呀！多謝讚賞！:D
刪除之前真係晚晚都好忙，周六日忙足兩日，但忙得來真係好開心呢 ~
多謝你，指Ma B謝謝姐姐的祝福！^^
不經不覺，Ma B都已經7歲喇！初來小高blog時，她還好像未入學呢！
回覆刪除小高的icing cookies一定能令Ma B甜入心~~~
Annie, 首先多謝你的稱讚和給Ma B的祝福！:D
刪除對，我剛寫BLOG時，Ma B還未夠一歲，到你認識我時我諗佢都係得一、兩歲，還很bb呢 ~ 沒想到，一轉頭便這麼大了，真係有d唔捨得。