2016年4月14日 星期四

Happy 1.25 重要時刻(生產回憶)


未有小如果陣,無聊起時會諗吓,如果將來有BB會o係邊度生?主任主張我在私家生,唔想我太辛苦,我自己就十五十六,當然唔想駛老公咁多錢,但另一方面又開心主任咁鍚我。

不過一心諗住自己生(順產)⋯⋯唔係揀開刀的話,似乎無必要在私家生,更好的是我們可選擇到瑪麗醫院生BB,在公立醫院來說瑪麗和廣華被譽為不錯的,費用極度相宜 XD。































亦有朋友跟我說如有能力揀私家生會好一點,一來舒服些,二來有兩三天休息!當然相比下,私家醫院的服務一定是最好的⋯⋯哈哈!1516? 

直到決定為小如留臍帶血,因為暫時只有私家醫院能為媽媽留臍帶血,所以不用想,決定到私家生。






留臍帶血當然唔希望小如用得著,只想給她多一份保障。

回想那天參觀生寶臍帶血庫,第一次到科學園,了解過留臍帶血和臍帶的分別後,再參觀他們位於地下的血庫,便決定給小如多一份保障!












雖然留臍帶血要成幾萬蚊,亦唔希望會用到,但留了就當買個保險,將來再捐給有需要的人使用。


聽講座填問卷就有贈品了 ~
























自從知道懷上小如後,一心打算找回平時看婦科檢查的梁振文醫生接生(朋友和二嫂的BB都由她接生的),奈何她今年不再接仔⋯⋯只做一般的婦科檢查,最終找了同樣也姓梁的梁子昂醫生,他是養和駐院醫生(梁醫生提我揾返駐院醫生接生,留床位機會會大d), 順理成章選擇在養和醫院生BB。


好啦好啦⋯⋯入戲玉!回想返生小如的前一晚,離預產期的前兩晚(24號),姐姐放假,由我親自下廚炮製了數字骨給主任品嚐。






























當我食完西瓜約11點準備刷牙洗面之際⋯⋯突然感到有股暖暖的分秘物沖出來⋯⋯立即上廁所,我知道小如準備出來⋯⋯穿羊水比見紅緊要,需立即入院,有過一次演習,心情不算太緊張(主任應該緊張過我XD),到現在依然記得當晚好凍、好凍,凍到我打哂冷震。還好時間尚早,來得及找朋友送我們到醫院。


有人說穿羊水果刻好震撼⋯⋯我又不太覺得,可能我流得不算太多。不用半小時到達醫院,登記後己立即進入產房,未⋯⋯未生得住,只不過姑娘好人士比我吔入產房待產,好讓主任可以陪我和休息一會。

加上姑娘說我快要生(當時開左兩度),開始時十分鐘陣一次,五分鐘兩次,之後就一分鐘一次啦!咪講笑起初我都以為自己頂得住,姑娘問我要唔要無痛分勉?我都說暫時不用,但宮縮得太密⋯⋯到了一點多開了三度己感到非常痛楚,簡直要用苦不堪言來形容,連姑娘也笑說我宮縮得太密勁過人家打了摧生針⋯⋯

仲有呀!生仔真係揾命博架,大家記住要鍚媽媽多一點,當媽媽的真係好偉大,現在的我體會更深。































未算最痛的時刻,姑娘就提我如決定無痛分勉便早點揚聲,若要叫麻醉師回來亦要點時間,更何況天寒天凍當人家熟睡時就⋯⋯ZzzZZZz  想了一會,做無痛分勉好了,皆因現在只是開始已這麼痛⋯⋯

約凌晨兩點多麻醉師來了,在我背脊的部位注射麻醉葯,我最驚係打針呢一刻,因打咩左就大獲了(提自己無論點痛都唔可以郁)!之前聽說過在背脊打針會好痛好痛,可能陣痛己蓋過一切,我不覺太痛,只感到有股涼快的東西注入背部⋯。打針後痛楚漸漸減少,但我依然覺得痛,姑娘說我宫縮太勁,所以仍感到痛楚,需要增加劑量。



雖然己經唔多痛,但我和主任根本無法住入睡,等到清晨5點多、6點,主任落街食早餐醫肚,而我就簡單吃半碗粥準備迎接我們的小公主。















無痛分勉真係有好又唔好,約8點多己經開到10度可以生小如,奈何我感覺不到任何痛楚,只能跟隨姑娘的指示何時用力,何時吸氣、呼氣⋯⋯「1、2、3...出力」加上不夠氣,直到9點多醫生來了,說我還生不到便要靠輔助工且,心裡十萬個不想,最終梁醫生幫我剪開陰唇(本應夠位唔駛剪架),再加力一推,小如出來了(其實果刻麻醉了無咩感覺)!


我們的心肝小寶貝出世,當聽到小如放聲大哭,眼淚不斷地流下來,好感動⋯⋯2016年1月25日早上,我們的囡囡終於平安出世,一路以來陀阿囡唔係擔心呢樣就果樣,每晚都要用胎心機聽BB心跳才能安心進睡,現在終於鬆一口氣了 ~

我們的生活從此不一樣,更幸福快樂、更具挑戰。






























我在39周零6日誕下愛女,阿囡真係好乖乖聽媽mi話足月才出來跟我們見面,2.91kg重屬中碼B。小如好鍚媽mi,相比其他媽媽痛足兩三天,我只痛了8小時多,所以姑娘說第一胎來說都算快!

感謝老公陪伴、鼓勵我,感謝各醫護人員為我打氣,感謝父母賜我健康身體,感謝上天𧶽予我們一份彌足珍貴的禮物,最要感謝的是「小如,多謝你,多謝你揀左我吔做你的爸爸媽媽」。你知道嗎?你是媽媽生存的證明。





























15 則留言:

  1. 小高,你真偉大,8小時真係叫快啦!想起當年,姪女出世時,弟婦痛咗差不多20小時 (佢係東區生)。最後,都唔夠力生,要用儀器吸姪女出來,所以,每一個媽媽都好偉大。

    祝小如,身體,快高長大,愛錫你同主任。小高,你都要身體健康,享受和小如啲每一個'第一次'!主任都要身體健康,繼續寵愛你,永遠保護愛錫你同他嘅前度情人 ^^

    回覆刪除
  2. 睇完好感動呀!!!

    亦好欣賞小高,去私家醫院都揀寧願捱痛揀順產~~祝主任一家三口身體健康!生活愉快~~

    回覆刪除
  3. 真係做左人阿媽先深刻體會到生仔個刻偉大同勇敢。。
    生圈圈過程我到依家都仲好深刻😌

    回覆刪除
  4. 小高叻叻, 我第二胎痛左兩日先生, 小如好錫媽媽呢, 祝福你們美滿幸福, 享受每個moments. :)

    回覆刪除
  5. 小高,小如BB好錫你啊,將來一定會是一個孝順父母的乖乖女

    回覆刪除
  6. 恭喜小高!小如好錫媽咪呀,唔洗媽咪痛咁耐就乖乖出黎,想當年肚B出世聽到佢喊聲果下我都感動到喊架 ^^"

    回覆刪除
  7. 小如好錫你呀~~小高都好叻!要繼續努力呀!

    回覆刪除
  8. 遲來的恭喜~~ 生仔過程人人不同, 辛苦但深深體會母愛之偉大~ 希望小如繼續快高長大, 健康快樂~ 加油~~~

    回覆刪除
  9. 小高,做媽媽真係好偉大!我嗰時都好想順產!體驗下個感覺呢!小如好可愛呀!你家下習慣咗未呀?

    回覆刪除
  10. 作者已經移除這則留言。

    回覆刪除
  11. 睇完有啲眼濕濕,小如好錫媽咪呀

    回覆刪除
  12. 恭喜恭喜小高和主任﹗
    祝福小如健康快樂成長,愛錫媽媽。

    回覆刪除

Related Posts Plugin for WordPress, Blogger...