2014年7月28日 星期一

人氣烹飪教室 ABC Cooking Studio の 初體驗


去年11月底,在日本擁有百多間分店,


極具人氣的烹飪教室《ABC Cooking Studio》進駐了香港,

首間香港店於尖沙咀的K11商場登陸,

第二間分店亦已在7月25日於中環元創方正式跟大家見面!\^o^/





















香港店由店面設計、授課食譜以至授課模式都與沿襲日本店。


授課內容分為料理、麵包和甜點三種課程;

料理課程分為日式料理與世界料理兩種,而麵包和甜點皆分為基礎與進階課程。

課程由初級班到高級班,深入淺出,採取小班教學,每班四位學員。





















年初時,小高和友人報讀ABC Cooking Studio(下稱:ABC)的體驗班, 

以體驗價上了一堂麵包班,學習以一份粉糰烘焗兩款不同口味的麵包。



 

















↑火腿沙律包(左圖)和肉桂卷(右圖)均是ABC的人氣菜式。



















↑小高覺得在ABC學做麵包,好像比平時容易控制,

同時,懂得花心思在裝飾方面,令賣相更吸引。



ABC以小班教學方式方便與導師直接交流,並可選日語、英語或廣東話授課。

另一賣點是學員可以依據時間和有興趣的課程自行預約,若要取消課堂,

只需在開課前一天於中午12點前上網或致電取消便可(我衰左一次 ><)。


ABC採用會員制度,需繳交會員費方可報讀相關課程。

直到昨天小高才知道,原來有會員介紹可免$800手續費,好筍呢 ~

(點解我o也報讀果陣時無咁多優惠o既?依家仲行印花制... ><)
























昨天早上我與Florence約好一起到ABC上體驗班學做麵包。

順帶一提,體驗班只供初次參與者以體驗價報讀其中一款人氣菜式(會員除外)。






















我與Florence都有寫Blog的習慣,因而認識,雖然是第一次見面,

但感覺豪不陌生,皆因大家都熱愛親手炮製美食,

同時也愛自家製作翻糖蛋糕,感開心終於見面了!:D


小高知她從未接觸過手搓麵包,對製作麵包又感興趣,

便推介到ABC Cooking Studio來個親身體驗(大家有興趣都可話我知)。


























↑Florence笑說自己顯得像雞手鴨腳,不過小高就覺得她很有天份,

以第一次來說,手法也不錯,叻女!


有圖為証,看看小高出品的香腸卷......彎彎的...!





















再看出自Florence一雙巧手的香腸卷,紋理清晰,讚呀!


  


















這次體驗班與之前一樣,以一份粉糰製作兩款不同口味的麵包,

另一款是杏仁麵包,相比下,一致認為香腸卷好吃得多! 





















香腸卷真的很鬆軟,教我回味不已,小高急不及待在家排練一次,

不管手有多酸軟,決定晚飯後開工!




















第一次用雞肉腸味道已不錯,其後換上車打芝士腸做餡料,滋味更上一層樓!



說實話,從未試過在同一日手搓同一款麵包兩次(搓到手都軟埋=.="),

皆因這款麵包實在太軟熟,太好味了!^^


自join了ABC 8堂的麵包班已有大半年時間,奈何只上了一次課。


























↑這款鴛鴦Pizza出爐後,轉送給好友夫婦品嚐,因此未有機會試味,

幸好,好友回報味道不錯兼讚不絕口,還說要跟我去學做包。



一方面是自己懶,另一方面是ABC的課堂很難預約,

最初我和友人一起報讀,預算一起上堂,其後發現一個人也難預約,

更何況兩個人(因一班得4個位),只好分開上課。 


自PMQ開了分店後,book堂比以前容易,然而,


中環對小高來說也比到尖沙咀方便,遲些再跟大家分享美味的製成品。


ABC Cooking Studio ● http://abc-cooking.com.hk/about.html


32 則留言:

  1. 回覆
    1. 呵呵,我實話實說!^^

      刪除
    2. 我也有興趣ar, 可以send 會員號碼给我ma? maymay73sakura@gmail.com

      刪除
    3. 不好意思,依家先留意到,好呀!一陣email你!:)

      刪除
  2. 有志同道合嘅朋友一齊去學廚,特別開心呢^^

    回覆刪除
    回覆
    1. Cathy, 早呀!對呀,有傾有講又可互相交流,學得都特別開心!^^

      刪除
  3. 可以一齊去上堂好開心呀~~~ 呢間ABC個個都大讚~~

    回覆刪除
    回覆
    1. Helen, 沒錯呀!有多個伴去上堂真係靈舍開心。
      ABC的導師教得唔錯,而且小班教學,上課時間又彈性,但以前真係好難book堂,係依家多左間分店會好d!(希望:P)

      刪除
    2. Katie, 整包好玩,造型又靚!不過我都想上下料理班 ~

      刪除
  4. 有志同道合的朋友一齊上堂, 真開心. ABC係PMQ開, 方便你好多

    回覆刪除
    回覆
    1. CiCi, 係呀!大家對整包都有興趣,一齊去上堂真係特別開心,加上o係中環開埋分店,唔駛過海會方便d!:D

      刪除
  5. 我都好想去上堂學, 小班教學, good !!!

    回覆刪除
    回覆
    1. 小班教學真係好好,有咩問題唔駛怕拖慢大家的進度,即係提問!:)

      刪除
  6. 整得好靚呀!! 香腸卷仲好似出面買既成品呢!! 同朋友一起學, 上堂都開心d.

    回覆刪除
    回覆
    1. Ishiha, 多謝你!>3
      有個伴一齊上堂,真係開心d!^^
      係呢 ~ Ishiha, 呢個暑假我都o係留下香港,或者等遲d秋涼先再出發。

      刪除
    2. 我都好鍾意秋涼先去旅行, 平d之餘又少d人, 你今次打算去邊度玩?

      刪除
    3. 秋涼去旅行去邊都舒服,真係出門好日子,可惜...9、10月都比較忙,如果出發都係應該台灣、曼谷...

      刪除
  7. 嘩,好好好吸引啊,我都想做包啊 ~~

    回覆刪除
    回覆
    1. Sammi, 學會造包好呀!可以整比巨龍食,健康好多,或者考慮買麵包機,方便d!^^

      刪除
  8. 小高~我覺得嗰到環境好好呢~我都好喜歡~
    不過聽人講好似都幾難book 下~!

    回覆刪除
    回覆
    1. 黃師奶,聽人講,果係咪我?:P
      說實話,o係PMQ未有得book堂前真係好難book堂,皆因一班得四個位。
      如果要book到心宜日子和時間,要預早一個月仲o係要晚上12點login book枱。
      所以我join左大半年先上得果一堂!希望之後會有改善啦!

      刪除
  9. 由ABC 開業到依家我都想去試堂, 可惜一直無時間.
    見到你d 相, 估計好好玩啦.

    回覆刪除
    回覆
    1. RonRon, 你想試邊款?麵包、蛋糕定日式料理,有興趣可以帶你去試堂,會員帶會平好多!^^

      刪除
    2. 我想試麵包堂呀!!!!佢地d 麵包好吸引呀!!!
      我都有朋友係member, 不過, 手未好返, 暫時唔可以上trial class 呀 wuwuwu

      刪除
    3. RonRon, 我呢排勁懶,好耐無整包lu...XD
      等你手好返先叫朋友帶你去上堂,佢o也教既麵包唔會好難搓。:)

      刪除
  10. 回覆
    1. 真係好好玩,而且重點小班教學,學得開心d!:)

      刪除
  11. 睇完都好想去學啊~不過唔知k11有無得免費停車?

    回覆刪除
    回覆
    1. 你好呀!我問過啦 ~ 以前無架,對上一次問如果你join佢o也的堂,可以問佢o也拿當日發票,免費泊車兩小時!^^

      刪除

Related Posts Plugin for WordPress, Blogger...