2015年5月14日 星期四

閒逛荃灣「端記茶樓 + 楊屋道街市」之半天遊


偶然在平日放假,感覺真爽 ~ 人不多,辦起事來也十分有效率!


趁工作不太忙,兩公婆一起請假先到荃灣辦事,再上川龍《端記茶樓》歎茶,

回程時,順道到「楊屋道街市」逛逛,然後回家煮海鮮大餐!

























↑滑蛋蒸花蟹 + 白灼瀨尿蝦 + 荷葉飯 + 清炒龍鬚菜 + 枝竹紅棗魚仔湯 


 
對上一次到《端記》喝茶已是上年八月的事(夏天上山,確係熱)。

我們喜歡坐在二樓的位置,可欣賞四周環境之餘,涼風吹來,份外寫意。
































夏天不是西洋菜當造季節,所以上次吃不到,感可惜!

這一回趕上尾班車,終可嚐爽脆清甜兼無渣的西洋菜了。


 





























來過大帽山端記用茶的朋友便會知道,這裡是自助形式,找位、

沖茶、加水、取點心,假日遊人眾多,車位較短缺,或坐小巴前來也方便。


在這裡只可談風味及情懷,不能與食物和環境相提並論,哈哈 ~  


























落山後,將車子泊在荃新天地(每小時 $12,另有泊車優惠),

步行到楊屋道街市只需幾分鐘, 沿途有不少路邊的菜檔(未入到街市已雀躍)。
























好興奮呢 ~ 第二次逛這個街市,憶起初次到訪已經是七、八年前,

跟友人來買海鮮回去火鍋,仍未熱衷下廚的我也感這街市什麼海鮮也有,真棒!


這次不趕時間更可慢慢逛,開心極了!:D 


逛街市,未必人人歡喜。不過...對於小高來說,就超級喜歡,

想得到的時令食材都可在街市內購買!且夠新鮮 ~

































不得了、不得了,愈逛愈歡喜!這街市頗具規模,地下出售海鮮,

一樓是肉檔、活雞檔,而蔬菜、生果、雜貨等則在二樓。



光是賣海鮮的也有數十檔,多到令人有選擇困難症,且檔檔賣得便宜。



手掌般大兼有羔的瀨尿蝦 $68/斤,充滿海水鮮甜味!































魚仔好平呀!又大大碟......老闆娘介紹的魚立魚仔,

她說買一盤要加配料湯才夠味,買兩盤就不用,不過...「齋魚湯」好單調,

最終買了兩盤魚仔加入紅棗和枝竹滾鍋 "靚魚湯"。































小高想到很久沒有買蟹回家吃......一見又心癢癢!


YEAH...花$80/斤買了一隻一斤重的花蟹,好肥美 ~

原先打算清蒸花蟹便算,想一想,加入雞蛋同蒸,培添滋味喎!

 
















 






「魚蝦蟹」都比我買齊XD,惜兩口子吃不消,不然還想買蠔、花烚......

 






















在荃灣買菜價錢便宜,選擇又多,真的逛到不願走,

無意中發現從未在其他街市出現的龍鬚菜($14/斤),感驚喜! 


奈何荃灣對小高來實在太遠了...... (唔知幾時再有機會呢?)



* * * * * * * * * * * * * * * * * * * * * * * * * * * * * * * * * * * * * * * *
端記茶樓:

地址:荃灣荃錦公路川龍村57-58號    tel: 2490 5246
消費:$155 (只收現金)

16 則留言:

  1. 哇。。。。好開心啊,閒日去飲茶,好休閒的感情呢 ^^
    小高你個海鮮餐冇得頂呀,睇到我好肚餓啊.....

    回覆刪除
    回覆
    1. Sammi, 認同!閒日去飲茶比起假日喝更寫意,又唔駛點等位!爽 ~
      keekee...謝謝Sammi, 呢餐連我自己都好滿意,啖啖肉好滋味!^^

      刪除
  2. 經你講一講真係覺得超級抵, 如果得閒我都去行下先! 係屋企整返個海鮮大餐食下啦!

    回覆刪除
    回覆
    1. Sylvia, 我平時去開灣仔、鵝頸橋,最平果個係筲箕灣街市,都唔及楊屋道街市,而且果邊買海鮮真係多選擇到簡唔到...依家講返起都覺得好開心呢!好想再去逛逛...

      刪除
  3. 楊屋道街市,我勁鍾意行。除咗海鮮平外,沙律菜用牛肉都好新鮮,好靚。下次有機會試吓

    回覆刪除
    回覆
    1. 最衰食唔到太多,唔係實買多d食材回來慢慢煮!^^

      刪除
  4. 上山飲茶好開心, 而且叫了很多美味點心~~
    自家製海鮮餐好吸引~~~

    回覆刪除
    回覆
    1. 上山飲茶感覺真係很不同,加上那天不算太熱,有風吹來,份外寫意!^^
      謝謝Helen讚賞,真係好耐無擦過一餐咁正的海鮮大餐啦!yum yum ~

      刪除
  5. 小高, 我住荃灣都無行楊屋道街市 , 因我去另一個街市 , 較楊屋道近d !
    加上我有選擇困難症 , 哈哈 ! 我諗我下次買海鮮個陣, 要去下先 !

    回覆刪除
    回覆
    1. Vicki, 好明白你的想法...楊屋道街市真係好多嘢買!但就會令人唔知買咩好......
      我都要遶場一周再諗食咩...諗左陣先買...太多選擇...XD
      如果買海鮮真係要去看看喔 ~

      刪除
  6. 嘩~小高~!你竟然去到咁遠~!!!川龍我去過一次~都差不多2年前~
    食嘅係風味~哈~如果真係要服務好~就唔啱呢個地方呢~

    回覆刪除
    回覆
    1. 真係只可偶爾一次,因為對我們來說都真係幾遠水路!
      但閒日去飲茶好舒服,加上那天不太熱,幾爽~
      haha...係,食風味...

      刪除
  7. 小高,芙爸都經常去楊屋道街市買海鮮架,
    真係幾抵食架,而且又多選擇,
    話時話,近來芙芙....
    睇到小高你啲相時,個心都會喺度諗:
    小高搞咩嚟呀?個樣越嚟越靚嘅?
    有時仲忍唔住讚咗出口,同事仲問我你係邊個。

    回覆刪除
    回覆
    1. 去楊屋道街市買海鮮真係又平又多選擇,去一次都覺得好開心!
      哈 ~ 多謝芙芙,其實有時只係調下燈光,白d靚d XD, 多謝你 ~

      刪除
  8. 高高愈來愈靚女咁ge~~ 心境開朗真係唔同D =)

    回覆刪除

Related Posts Plugin for WordPress, Blogger...