2015年5月26日 星期二

我的入廚日記 - 潮式煎蠔烙


貴為潮州的媳婦,當然要學會做潮州菜,不用多,兩三款就夠!XD


在芸芸的潮州菜中,小高最愛吃煎蠔餅,上次在家炮製因欠缺番薯粉,

只好用粟粉代替,口感遜色;這次用上番薯粉就像在街吃的味道。



















 


出城找遍整個筲箕灣街市,竟然沒有鴨蛋!(超市就更加無...)

為要成功做出傳統口味的煎蠔餅,只好找老爺幫手......老爺好勁呀!






















鴨蛋愈來愈難買,如果真的沒有也可用雞蛋取替,

亦有人喜歡把鴨蛋和雞蛋混合成蛋漿,再加入蠔仔煎至蠔餅。


取鴨蛋其香味,蛋味更濃,令蠔餅帶有結實質感;雞蛋則取顏其色。


- - - - - - - - - - - - - - - - - - - - - - - - - - - - - - - - - - - - - - - -


潮式煎蠔烙


材料:(二人份量)

珍珠蠔 1/2斤,鴨蛋 2隻,葱粒 1湯匙,芫茜 1棵(切粒),

清水 3湯匙,薯粉 2-3湯匙,紹興酒 1/2茶匙,粟粉 4湯匙,鹽 1湯匙






















調味料:

鹽 1/2茶匙,胡椒粉及麻油 --- 各適量


製法:

1. 蠔仔用水沖洗,加入粟粉及鹽拌勻(此步驟重複2-3次),徹底挑去蠔殼。

2. 燒滾水,加入紹興酒及蠔仔略汆水(輕灼至半生熟便可),盛起,印乾水份。

3. 將蠔仔、葱粒、芫茜碎及調味料放入大碗上,加入已打勻的鴨蛋拌勻。

4. 加入薯粉及清水拌成蛋漿。燒熱平底鍋,下3-4湯匙油(or以半煎炸方式)。

5. 下蛋漿以小火煎至兩面金金黃及香脆,吃用時可伴魚露吃,即成。





 






















溫馨提示:

- 蠔仔蠔殼較多,清洗時要加倍小心,並以粟粉(生粉)及鹽清洗數次。

- 煎蠔烙時需用小火,讓蠔仔熟透,也可避免易變焦。

- 如果買不到鴨蛋可用雞蛋取替,亦有人喜歡用鴨蛋和雞蛋混合成蛋漿。

- 鴨蛋取其香味,蛋味更濃,做起來的蠔烙有結實質感;雞蛋則取顏色。


26 則留言:

  1. 小高, 鴨蛋真係愈來愈難買。我都要出城去深水埗先買到,所以這碟蠔烙真係物以罕為貴

    回覆刪除
    回覆
    1. 我諗真係地區性,我62話佢果邊幾乎檔檔都有得買,而我呢邊就...檔檔都無!XD

      刪除
  2. 小高係潮州媳婦 , 袁太係潮州女兒 (爸爸係潮州人) , 我都成日整煎蠔烙 , 我這邊買鴨蛋唔難 , 家裡附近街市的雜貨店日日都有鴨蛋賣 , 所以我成日都買來整炸蠔餅同煎蠔烙

    回覆刪除
    回覆
    1. 哈 ~ 袁太貴為潮州女兒,一定愛吃也會煮潮州菜,是嗎?
      真好呢 ~ 我呢邊想找鴨蛋真係唔容易呢......

      刪除
  3. 我好鍾意食蠔餅呀,不過好似好難洗乾淨!

    回覆刪除
    回覆
    1. Carley靚媽,你近來好嗎?
      係呀係呀!成個步驟最怕係洗蠔仔,好難洗得乾淨...好多硬殼!

      刪除
  4. 我好鐘意食蠔餅,最鐘意係廟街,唔知現在仲有無得食!?

    回覆刪除
    回覆
    1. 好多人都讚廟街果檔的蠔餅正,但小高無食過呢...令我也心思思....:)

      刪除
  5. 我都好鍾意食蠔餅,不過妹豬爸唔比我煮海鮮,驚我呢個地獄廚神攪到佢哋三父女肚痛=_=

    回覆刪除
    回覆
    1. 嘻 ~ 妹豬爸太睇少妹豬媽啦...話唔定煮得好好味,食到佢o也個個 "lamlam脷"!

      刪除
  6. 蠔餅好味啊....我以前整過一次,好花工夫...之後太懶冇整了,不過睇見又想食呢 ^^

    回覆刪除
    回覆
    1. Sammi, 蠔餅真係好好食,不過就係功夫多...最麻煩係洗蠔仔!洗得唔乾淨,留底蠔殼整親口腔就麻煩了,所以每次洗蠔仔都挺花時間。

      刪除
  7. 回覆
    1. 其實步驟唔算多,最花時間就係清洗蠔仔果part...萬一留有蠔殼親就煩了!

      刪除
  8. 真係太勁啦,蠔餅都自己整

    回覆刪除
  9. 小高, 究竟仲有咩餸係難到你架? 你真係咩都識整~~~

    回覆刪除
    回覆
    1. 小洚,你太誇讚吧!讚到小高好難為情呢 ~ 多謝你!^^

      刪除
  10. 原來小高係潮州媳婦啊~~哩個煎得好靚好吸引呀,流口水中:P

    回覆刪除
    回覆
    1. 嘻嘻!係呀!:)
      多謝艾華斯的讚賞!

      刪除
  11. 嘩~賣相真係好掂呀!~哈~原來主任係潮州人~!!!

    回覆刪除
    回覆
    1. 黃師奶,謝謝呀!咔 ~ 係...佢係潮州怒漢!XDD

      刪除
  12. 我最終整左蠔仔肉碎泡飯, 大成功呀!!!!佳佳都話好食^v^

    回覆刪除
    回覆
    1. 嘩 ~ 好叻女!聽到我都耳仔郁郁,好想吃呢 ~

      刪除

Related Posts Plugin for WordPress, Blogger...