2015年1月20日 星期二

我的入廚日記 - 爆炒彩椒雞腎


今時今日,老爸堅持買新鮮雞拜神或入饌,新鮮雞比冰鮮雞好吃,

肉質嫩滑,且雞味濃郁,以白切雞的做法最能吃出滋味!


價錢郤是天淵之別,新鮮雞價格由百多至二百多元不等,價格昂貴。



小高愛吃雞肉,也愛吃肉質爽脆的雞腎,可惜一隻雞的雞腎不會多,

加上要留給家人吃,吃得不夠痛苦!乾脆自己買回家做菜,吃過夠!哈 ~   





















雞腎爽口有嚼勁雖好吃,不過......偶爾嚐嚐好了,畢竟都是內臟嘛!


- - - - - - - - - - - - - - - - - - - - - - - - - - - - - - - - - - - - - - - -


爆炒彩椒雞腎


材料:(二人份量)

雞腎 240克,冬菇 5朵(浸軟去蒂;切半),薑片 6片,乾葱 2粒(切片),

三色椒(彩椒) --- 各1/2個(切角),豆瓣醬 1湯匙,葱 3棵(切段) 






















調味料:

鹽及糖 --- 各1/3茶匙,蠔油及清水 --- 各1湯匙


製法:

1. 雞腎去皮及去筋,用刀切成菊米紋狀,洗淨。

2. 把雞腎及冬菇稍出水,瀝乾水份,備用。

3. 燒熱鑊,下適量油爆香薑片及乾葱片,加入豆瓣醬。

4. 下冬菇、雞腎及三色椒略炒,拌入汁料炒勻。

5. 再放入葱段炒至轉色,即成。


溫馨提示:

- 此菜式特別之處在於雞腎的爽脆,在刀切時要均勻,爆炒時需注意火喉。

- 下汁料後,要快手將材料兜勻,以免過火,影響味道。


16 則留言:

  1. 小高,晚安呀,
    雞腎呀,雞腎呀,
    芙芙好喜歡食架,正呀!
    昨晚同舊同事返大陸食川菜,真係超想叫好多雞腎食,
    但因為禽流感,真的唔夠膽喺大陸食,
    芙芙足足忍咗成晚呀,而家睇到你呢碟雞腎,
    真係好想食哂落肚,一定好好味呀!

    回覆刪除
    回覆
    1. 芙芙,雞腎真好好味,好鐘意吃 ~
      上周遊台,本來都唔敢食雞腎,但去到老天綠買手信見到就忍吾到口啦!買左一串...heehee...
      如果o係大陸就建議唔好食住,大陸果邊好嚴重。

      刪除
  2. 新鮮雞比冰鮮雞好吃 <----我媽媽又成日咁講,不過我又唔係好食得出,heehee....不過我都相信新鮮一定美味過冰鮮呢~~
    希望新鮮雞個價快d 落返啦,我坐月要日日食雞呢 ~~~ @@"
    雞腎好味啊,我好鐘意食,其實雞的其他內臟我都大愛呢,嘩哈哈~~~

    回覆刪除
    回覆
    1. Sammi, 其實唔係成日食,真係未必吃得出,不過娘家吃新鮮,6299果邊多買冰鮮雞,所以食慣了有對比就發覺真係唔同d,新鮮雞雞味會重d,而且肉都嫩滑,所以只係白切雞都已經好好味!仲要加埋老爸炮製的薑蔥料真係滋味倍增!^^
      Sammi, 呢排供應又少返...加上又快到農曆年,應該唔會平,希望唔好繼貴落去。
      最近一次老爸買一隻都幾大下的新鮮雞約$260(給參考)。
      試食!認同,雞的其他內臟都好好味!:)

      刪除
  3. 小高,新鮮雞同冰鮮雞真係冇得比。新鮮雞,肉質嫩滑,仲咁香雞味。除咗雞腎,雞腸都係cici大愛。不過,學你話齌,內臟只可以間中食 XXD

    回覆刪除
    回覆
    1. 對對對,兩者真係有分別!快過年,相信新鮮雞繼續貴 ~
      嘩 ~ 雞腸正!早幾日o係台灣吃過鴨腸覺得好爽脆,真係講起又想吃!

      刪除
  4. 我都中意食雞腎~~~好吸引呢!!!!!!!!!!!!

    回覆刪除
  5. 小高~呢個加咗三色椒~仲有個靚靚碟~賣相好吸引呢~!

    回覆刪除
    回覆
    1. 多謝黃師奶讚賞!加左三色椒感覺上可以拉返云...好似健康dd!XD

      刪除
  6. 雞腎袁太都好喜愛食架,不過真係偶然食好喇

    回覆刪除
    回覆
    1. 係呀係呀 ~ 真係久唔久一次好啦!^^

      刪除
  7. 我都好鐘意食雞腎架,睇見小高碟作品都覺得好味呀!

    回覆刪除
    回覆
    1. Cathy, 你好嗎?謝謝喔!雞腎真係好好味!:)

      刪除
  8. 我唔食雞腎,但我諗轉左雞肉都應該都好食。

    回覆刪除
    回覆
    1. 嘉路,配雞肉我覺得都很不錯!^^

      刪除

Related Posts Plugin for WordPress, Blogger...