2014年11月19日 星期三

飯堂放"餸" 之 吃在《美心皇宮》


繼《越華會》後,另一間常去的飯堂就是《美心皇宮》。


近一年除多了到東大街「搵食」外,另一「蒲點」落在太古城。

貪其位置方便,易於泊車,停車場收費也不昂貴,每小時$17,

比起旺區足足平了十元 。區內設大型商場、食肆、戲院等,吃的、

買的一應俱全,十分方便。


選擇在《美心皇宮》 用餐,第一信用咭有優惠,第二環境舒適,

服務周到,說到底,小高偏向吃中菜才是最主要光顧的原因。哈哈 ~




小高推介必吃之選 ~ ~ ~ 


胡椒湯煮桂花蚌 $118 -  胡椒湯配上杞子、雲耳、粉絲來煮桂花蚌,

非常暖胃,桂花蚌很爽口。

























燒汁鹹豬手 $98 - 鹹豬手煮得夠軟腍,配上洋葱煮成的燒汁,味道匹配,

且非常飽肚,每次只吃一半已足夠,餘下的便外賣回家。

























鮑汁荷葉飯 $98 - 這是主任最愛的有味飯,份量足四人享用。

























酥炸日本蠔 $78 - 女士兩口一隻,男士們應可一口一隻。


























除了餐牌,餐廳定期會更換時令餐牌,以提供更多菜式。













 
































 
美心皇宮提供的例湯,天天不同約六十多元,足兩位享用。


這間中菜廳簡單實在,價錢合理,不是宴客式派頭的中菜,

所以可當飯堂天天去吃(當然小高更愛住家飯),哈哈 ~ 



* * * * * * * * * * * * * * * * * * * * * * * * * * * * * * * * * * * * * * * *
美心皇宮

add: 太古太古城道18號太古城中心二期2樓255號舖     tel: 2513 1996 

14 則留言:

  1. 嘩,每小時$17 都唔平啊,食完有冇送泊車優惠啊?
    我見依家D 停車場好似愈加愈貴咁,我有次去屯門,時租 22 元,仲要係小商場,真係貴到傻左....@@"

    回覆刪除
    回覆
    1. Sammi, 早呀!$17/h o係港島區來說已經算平,如果泊去吉之島果邊(其實都係附近),要成$24/h,而o係太古城消費唔係有好多間食店及商店可免費泊車。
      中菜館要消費滿$500以上,另外,永安、apita好似要$800元才有免費兩小時,豐澤仲誇好似要買成千蚊o野先有。
      如果落銅鑼灣泊時代廣場一至五就要$27,周六日就$29,不過如在商店、食肆消費滿HK$200或以上,就有三粒鐘免費泊車都幾好架!但衰在出親銅鑼灣來回都要個半鐘...加上佔中行動,鐘塞起車上來,分分鐘一程車要成個鐘!><
      有時過新界泊車,見好多停車場都係十多元以內,真係便宜好多,所以 $22/h又真貴左d!

      刪除
  2. 估唔到太古城停車場竟然$17,真係好平呀!而家大型商場停車場差不多都要每小時$2x up。貴到呢 @_@"

    回覆刪除
    回覆
    1. 係呀cici, o係太古城泊車只係$17算便宜,我娘家果邊都要$17、$18...
      出到旺區更加貴,如在周六日又貴多幾蚊,如果泊得耐都幾"come"計!XD

      刪除
  3. 洋蔥汁豬手好似OK咁呀~~~!!!

    回覆刪除
    回覆
    1. 涼粉子,燒汁鹹豬手真係好正架!起初我都唔敢叫,因為望落隻豬手好大隻,怕兩個人食唔哂,但成日見人點來吃,又心思思...
      結果都真係食唔哂,唯有外賣帶回家翻熱再品嚐!^^

      刪除
  4. 回覆
    1. Katie, 是呀!以這類型的中菜館來說,環境舒適,服務周到,價錢真的很實惠。:)

      刪除
  5. 小高呀,個燒汁鹹豬手好邪惡呀,
    睇相都覺得好淋好入味,美心皇宮啲食物一向都唔錯,
    芙芙好少去美心皇宮,不過印象中以前去過都覺得幾好。

    回覆刪除
    回覆
    1. 芙芙,早上好!heehee...我都覺燒汁鹹豬手好邪惡,尤其當你吃埋層皮...好好味...但又好肥,果一刻真係內心交扎...食唔食好呢 ~ 最後都係食左先算XD!
      隻豬手唔止份量大,仲好腍,真係好食,但一次實食唔哂!
      對,整體而言,美心皇宮真係唔錯架 ~ 又坐得舒服。

      刪除
  6. 豬手同日本蠔都唔錯呀~~ 其實中式餐廳都好多好選擇~~~

    回覆刪除
    回覆
    1. Helen, 早呀!豬手簡直係無得頂,不過...就好肥下!:P
      而日本蠔近在乎可一口一件,幾o岩女士食。

      刪除
  7. 嘩~鮑汁荷葉飯好吸引~~小高得閒去試下港大同學會吖~佢個荷葉飯都好出名呢~!

    回覆刪除
    回覆
    1. 黃師奶,鮑汁荷葉飯又係另一款我們經常吃的,真係唔錯,且份量又多。
      港大同學會?我倆都不是港大生,都可以去幫襯嗎?:)

      刪除

Related Posts Plugin for WordPress, Blogger...