2015年12月9日 星期三

姐姐來了的第三個星期......


~ MuiChi 33w1d ~ 9/12, 2015
  
印傭姐姐來了剛好三星期,相處過後,暫時在各方面的表現均感滿意,

甚至比預期中的好,她做事勤快,記性好,且主動,加上姐姐屬貪靚一族,

故在衛生方面不用我們操心。


另外,因為姐姐識得講和識英文,還識少少廣東話,令溝通起來更easy.......

之前都會擔心姐姐不暗英文及廣東話(你知啦.......面試時咩都話得、咩都識,

但實際情況通常都有d出入XD,加上印姐姐教育水平無菲咁好),

還好...一切都比預期中順利,感恩!



當然......始終BB未出世,家裡又不是大,家務總不會多,

之後還會這麼勤快和主動嗎?有待觀察......



第一次請姐姐,欠缺經驗,又怕不習慣,好多朋友知我心地善良、

份人又易話為......擔心我會被姐姐蝦,其實我都驚.......

始終做慣好人,好難返轉頭......我承認一直待姐姐不薄,

常站在她的位置去想。說實話,一個女人放下家庭離鄉別井,

每天僅賺取$13x多元(當然我們的付出也不少...),其實你又想佢點呢?


我又會擔心她吃不飽、穿不暖.......將心比心,若要人對自己好,

必須對人好,除非她是刻意來找 jetso,不然亦會感受得到。



btw......也聽說過初開始時不要待姐姐太好,太照顧周到,

否則她們會認為一切是理所當然,之後更容易黑面、心散......。

 
姐姐來了不久便給她在周日放假抖抖(其實未做滿七日,理應可不獲假期,

不過算啦),一直掙扎.......究竟好唔好比姐姐少少零用錢當搭車同食飯?



大家都知啦 ~ 小高住到無雷公咁遠,出城來回都要廿多三十元車費,

還未計吃飯的駛費,不過......再想真一點,還是聽過來人的意見,

不應太早給她甜頭,否則真係返唔到轉頭!我就知味道了....... >_<


希望姐姐繼續好下去,比心機做!

14 則留言:

  1. 對啊,"不應太早給她甜頭",畢竟姐姐做左冇耐,如果佢之後湊B一段時間都仲好OK、好好,到時再比都未遲啊~~
    祝小高一切順利 =)

    回覆刪除
    回覆
    1. Sammi, 的確係......bb出世後先係關鍵....不過我依家都覺得自己對佢唔錯...
      前排見凍,我真係忍唔到送左件外套及保暖內衣佢,怕佢唔夠暖,因姐姐唔食豬,我們在家吃就盡量就佢,等佢樣樣餸都食到(不過姐姐其實食好少).......係咪太好呢?有少少擔心已經返唔到轉頭!=.="

      刪除
  2. 我相信姐姐一定感受到你嘅心意,希望你真係多個好幫手~~會順利的,加油!

    回覆刪除
    回覆
    1. 艾華斯,謝謝你!其實請姐姐真係好大學問,我都好怕遇著個無心機做同揀顧主的姐姐,幸好,現在姐姐都ok,希望她會是我們的好幫手!:)

      刪除
  3. 小高, 現今請到一個好幫手好難, 始終人會有比較. 希望你一切順利!!

    回覆刪除
    回覆
    1. Ishiha, 的確係,應該話要請姐姐都難,更何況係好姐姐,依家d姐姐好識揀顧主架,有小朋友唔做,有老人家又唔做.......所以睇o岩了又快手,識過兩次睇o岩轉個頭已經話簽左約,真係快到你唔信!=.="
      幸好,我們遇上的不差,希望她繼續比心機做!^^

      刪除
  4. 我都覺得將心比心好重要呀~~ 始終佢都係幫手照顧BB!
    不過可以睇BB 出左世再觀察表現再決定俾唔俾多D 甜頭佢呀!

    回覆刪除
    回覆
    1. 小洚,係架.......其實要我先嚴後鬆...真係有少少難,人家明明做到好好,我又不想刁難她....更何況請得姐姐,都要視佢為家的一份子...因為你不信佢,但又要用佢,日日對住都幾辛苦!
      但我又明....有d姐姐真係惡頂....成日黑面,真係貼錢買難受,所以請姐姐從來都講運氣!

      刪除
  5. 小高~我冇經驗~不過我覺得咪好似自己打工咁囉~人對你好~你對人好~不過又要記住佢始終係外人咁囉~!

    回覆刪除
    回覆
    1. 黃師奶,謝謝你的分享,真明白我...無錯,我都抱著這種心態,不管她好不好....但至少我對得住自己,做返一個好僱主的責任。
      係...雖然我都盡量想當姐姐為一家人,但事實上係有點難....

      刪除
  6. 回覆
    1. 嘉路,謝謝你!我們都希望姐姐會keep住好落下去,幫到手!^^

      刪除
  7. 我覺得對工人姐姐係要有戒心,但你做番自己,對佢好關心佢係ok架!好多人話啲姐姐還晒錢就現形,我姐姐做左就黎一年都仲係好乖同有笑容架,所以我覺得將心畀己好重要。不過我唸你可以間中提下BB出世後就會忙好多呢 ^_^

    回覆刪除
    回覆
    1. 肚b媽媽,謝謝意見!亦感謝你明白我,對,真係要做番自己才會開心,姐姐無咩嘢,要我嚴厲對姐姐實在做唔到。
      係....現在說她怎樣怎樣,實在言之尚早,真係要等她做耐左和bb出世後先知咩情況,同埋將心比心真係重要,我會堅守這原則!
      謝謝你的寶貴意見,對,真係要提提佢,bb出世後就會好忙、好忙架啦!

      刪除

Related Posts Plugin for WordPress, Blogger...