瞄一眼標題便會知道小高又再說陳年舊事......XD!
今年七、八月過得非常充實,報了蛋糕班及中式料理班來增值。
在暑假,小高如常樣要上班,只是要在八月底前清年假,
加上今年暑假沒外遊,騰出的假期和旅費便留來進修。
不過...「d學費加加埋埋真係夠我去一趟東南亞...XD!」
Cooking Class @ABC Cooking Studio ‧學費 $3280/8堂(+會費)
*** 2014年07月27日(日) ***
報讀《ABC Cooking Studio》已有一段時間,
知道有朋友對課程感興趣,小高便提議一起上體驗班。
這天我和Florence製作共兩款麵包,香腸卷 + 杏仁麵包。
從未試過課堂完結後,有衝勁想立即「開壇」,
恰巧家裡有兩包 Johnsonville 香腸,正好用來製作美常好味的香腸卷。
*** 2014年08月06日(三) ***
《ABC》在 PMQ 設分校,環境舒適,私人度較高。
跟Suki學造日式麵包 Sesame MATCHA。
*** 2014年08月16日(六) ***
這次與好友 Amy 齊齊在《ABC》上課驗班學整朱古力咖啡包。
Cooking Class @Towngas Cooking Centre ‧學費 $420(+$100銀卡會員)
*** 2014年08月01日(五) ***
第一次到煤氣烹飪中心上課,心情既期待又興奮!
Towngas 位於銅鑼灣利舞臺9樓,對小高來說非常方便,
奈何他們的課程大多在平日下午開課,較適合自由身的煮婦。
導師教授以原個新鮮菠蘿製成的 "台式鳳梨酥",
口感特別鬆脆,味道剛好,不會太甜,家人朋友試過都讚好!
課室設備十分完善,一人一爐,讓每位學員也有機會親身試造。
*** 2014年08月15日(五) *** (學費 $400)
難得時間合適,會藉就只有一年(過左暑假睇怕有排先再去),
所以小高一口氣在煤氣烹飪中心報了兩堂。
上次整餅,今次整包,這一課極具挑戰,跟導師學整西瓜造型麵包,似嗎?
一直以為是以方包造型出場,沒想到......外形跟西瓜無異,甚有驚喜!
Cooking Class @Rachel's Kitchen ‧學費 $600
*** 2014年08月13日(三) ***
未曾到《Rachel's Kitchen》 上課前,跟她有過一面之緣,她記性真好,
第一次上課便把我認出來,加上早已閱讀她的著作,
閒時又會在電視框見她出現,故對她不感陌生。
Rachel's Kitchen內有一位教授烹調中菜的導師叫廖師傅,
為人風趣幽默,製作時則一絲不苛,就連配菜及裝飾也經過精心設計。
若你有收看「都市閒情」偶爾也會邀請廖師傅分享菜式及心得。
約好煮友Florence到 Workshop 跟廖師傅學習、學習。
美味菜餚:豆腐魚雲羹 。 八寶全鴨 。 蟹籽燒賣 。 鴛鴦炒飯
吸引小高來上課的就是為了「蟹籽燒賣」,不知為何......
自從吃過某健康食品店推出的燒賣後,好像忽然愛上,
惜坊間未必間間好吃,學會了自家製, 廖師傅教授的蟹籽燒賣相好,味道佳!
*** 2014年09月10日(三) *** (學費 $600)
相隔一個月小高又走到《Rachel's Kitchen》跟廖師傅學煮大餐。
今次主題是「一魚四味烹飪班。花尾龍躉」,教小高相當期待 。
半年前已想報名,奈何時間不合適,又怕下班趕上課太辛苦,
但我發覺只要準時收工,又或者那天夠運遇上順風車,
順利出城再轉地鐵,大約六點多便可到達觀塘,便可依時上課。
再次開課,小高決心不再猶豫!:D
美味菜餚:燉魚頭湯。玉樹麒麟龍躉球。香脆龍躉夾。薑葱魚骨腩煲
Rachel 為我們加餸,以慢煮方式來炮製花尾龍躉,好吃得,令人停不了口!
*** 2014年10月15日(三) *** (學費 $600)
說時遲,那時快,又過一個月,小高又來聚聚學做菜。
之前聽同學分享,大家都讚「大排檔小炒」這一課是必修課,
於是小高又來湊熱鬧,更即場向Rache買了些急凍越南蝦,好讓回去交功課。
這一晚又加餸,除原本四道菜還加了椒醬肉和椒絲腐乳唐生菜, 大滿足。
避風塘炒蟹。椒鹽排骨。滑蛋蝦仁。味菜豉椒炒鵝腸。椒醬肉和椒絲腐乳唐生菜
從沒有想過可以在家吃炒鵝腸,這道菜也不多地方可以吃到,
此外,鵝腸不易購買,功夫亦不少。
Cooking Class @Coup Kitchen ‧學費 $380(非會員)
*** 2014年08月20日(三) ***
《Coup Kitchen》的甜品班非常吸引,由於反應熱烈,
大多課程於開課前一個月經已爆滿,欲報名真的不能放慢手腳。
如是者「講o下講o下又一年」上年暑假已經想報讀了,這次終得償所願。
還約了好友海迪一起炮製 "芒果流沙慕士半圓球蛋糕" 。
↑完成後,每位學員可將8件蛋糕帶走品嚐。
小高初次製作半圓球蛋糕,過程雖繁複,但當看見完成品,
如同五星級酒店的出品,滿足感便爆燈!
濃郁的芒果慕士,中間夾雜著鮮甜的芒果肉和芒果流沙餡,怎可錯過?
↑學費高昂,不過絕對是物超所值,主任和朋友們嚐過的無一不讚好!:)
Cooking Class @《DayDayCook烹飪班》
*** 2014年09月20日(六) ***
感謝CiCi邀請小高出席由DayDayCook舉辦的烹飪班。
是此活動在Jacky Yu開辦的教室《囍宴 廚.坊》內舉行,
兩位大廚分享三款的宴客菜式(包括ddc創辦人Norma),賣相極為吸引,
十分美味,藉著活動還認識了幾位新朋友,加倍開心。
Cooking Class @Chocolate & Culinary School‧學費 $560
*** 2014年09月13日(六) ***
小高的學習之心沒有隨暑假而完結,反而更積極,哈哈 ~
閒時上烹飪班、甜品班既可自我增值外,又可輕鬆一下,何樂不為。
這個周六天相約好Florence到古Sir開設的學校上課。
雖然這一課甜品班學費不便宜(好似一班比一班貴),
但當中可學到朱古力咖啡慕絲、朱古力裝飾、雲呢嗱黃糖杏仁脆餅等技巧,
課當完結後可免費獲贈 SilikoMart 矽膠蛋糕模具一個(我覺得o係學費埋包),
還設有「甜品嚐味時段」品嚐《Black n White》的甜品及飲料,貼心周到。
更重要的是主任對這個 "黑朱古力咖啡蛋糕",讚口不絕!
Cooking Class @《IC電磁爐烹飪體驗》
*** 2014年09月20日(六) ***
好開心可以同伊汪齊齊跟大廚出馬陳國強師傅,
學煮乾燒大明蝦,陳師傅真的 very nice!
陳師傅示範一次,我們便動手炮製。
過兩天小高和同事們又到Sogo Club上烹飪班兼吃聖誕大餐,多期待呢 ~
PS. 踏入十二月節目一籮籮,但煮意欠奉! XD
小高,你真的好勤力。cici2014年的願望想增值,但最終因為工作忙,而只上了幾堂。
回覆刪除原來Sogo club有烹飪班,你唔講真係唔知
謝謝CiCi, 查實有d cooking class早兩年都想上,不過有d的確好難報....時間就唔到就拖住先,難得今年有時間,一於一口氣報多幾班,等暑假過得更充實!:)
刪除Sogo Club的烹飪班已有好幾年,而我亦唔係第一次去,初初去都會o係BLOG度介紹下,可能仲o係YAHOO BLOG度,所以你無留意到!
小高o既學習態度真係超好,搞到我都想做學習伙伴呢,可惜上課地點太遠...
回覆刪除Annie, 謝謝你!趁閒著進修一下! ^^
刪除來吧!有時間一起去學,之不過...對你來說真係遠左d!
嘩~~ 你學咗好多美食的製法, 你同主任都好有口福呀~~~ 我都好想抽時間參加烹飪班, 不過呢排真係好忙~
回覆刪除Helen, hee...所以我倆愈食愈肥!:P
刪除有時間去上o下堂真係好開心架,不過就真係要等閒著先可以,放學趕出去上堂其實都幾辛苦。
WA! 好正呀! 連續上左咁多堂COOKING CLASS! 我次次上完都無動力交功課 =P
回覆刪除bubibu, 查實小高咪差唔多,我都極少交功課,好多都交返哂比老師了!XDD
刪除見到咁多美食真係流晒口水呢 , 小高勤力 , 充實又叻叻 ^^
回覆刪除謝謝袁太讚賞喔 ~ 趁閒著就去進修一下!:D
刪除小高叻叻,D 包好靚又好正,而且勁 PRO 呀 ^^
回覆刪除Sammi, 實在太誇獎啦!多謝你 ~
刪除小高~你就好呢~可以抽時間去學到咁多嘢~
回覆刪除你老公又冇炸型支持你~好幸福
黃師奶,你就更加得啦!^^
刪除主任真係好好架,無炸型之餘,仲好支持我每個決定,有佢體諒我報堂都報得安心d!xd
小高, 你真係好有心!! 又勤力. 鍾意煮野食的人會不斷想煮出更多更多美食給自己身邊人. 主任好幸福!!
回覆刪除Ishiha, 謝謝誇獎 ~ 有d堂早早就想上,奈何...一下時間唔o岩,一下就早早full,想報又要等下次開班。趁著暑假輕鬆些又可以請AL,我才敢把我的時表間填得密密麻麻!:D
刪除所有班都好吸引呀 , 我都好想學鳳梨酥呀 !
回覆刪除Vicki, 我覺得出去上o下堂又可以做返學生真係好開心架!:)
刪除煤氣教整的鳳梨酥真係好掂,家人朋友吃過無一不讚,就o岩時間都去學呀!^^