謝謝大家為小高這位準媽媽和小寶寶送上暖暖的祝賀 ~
我們替小寶寶起了別名,叫「小林豬妹妹」又可叫她做小林豬、
妹妹或妹chi(好多名呢 ~ 阿媽真多心 XD)。
作為爸爸媽媽的我們,別無所求,只要小寶寶平安健康便心滿已足!:D
我家寶寶真幸福呢 ~ 未曾正式同大家見面已經收到好多祝福和禮物。
剛過去的周日,好姊妹 Alice, Jobe和揚媽遠道而來奉上第一次,
為我和妹chi舉辦一場別具心思的 Baby Shower,
感謝好友們送上這份饒富心思的禮物,我們實在太喜歡了!
小高知道為了這場Baby Shower花盡心思和時間,不止製作認真,還十分pro。
令我們既開心、感動又難忘,主任也要讚,管接送之餘,
也忙足一整天,辛苦爸bi!多謝多謝 ~
真的不知說什麼好來道謝大家的厚愛......一切盡在不言中!
好幸福,小高真的太幸福了!
看看大家的笑容,就知大家幾咁開心 ~
大小細節一絲不苟,由佈置到食物打造得極為細緻。
連氦氣球也有....佩服、佩服!
妹chi:本來媽mi好乖乖戒口多時,但Jobe ee自家製的愛心飯團實在太吸引了,
媽mi話為答謝大家唔破戒唔得 XD ....keekee....好好味!
妹chi:感謝各位ee的體諒,媽咪腹大便便未能幫手,
所以我同媽mi負責製作特色飲品和準備一些時令水果來招待各位。
妹chi:我和媽mi都好鐘意呢個極具心思由尿片合成的的 Baby Girl 蛋糕,
仲要o係媽mi想買比我用的merries尿片呀!Jobe ee 好 sweet 呢 ~
有假蛋糕又點少得真蛋榚呢?
妹chi:謝謝揚媽ee送上這個自家出品的糖皮蛋糕,靚到呢 ~ 根本唔捨得食 ~
來到切餅一刻......感覺好特別,好似回到結婚時一樣......
但現在的感覺很不同,因肚子裡還多了妹chi,感覺份外甜蜜窩心。
這份厚禮小高真的喜歡到不得了.......很感動。
小丸子和彩虹妹妹亦好耐無同大家見面了 ~
icing cookies也是出自揚媽手,可愛到不行 ~ lovely ~
這種充滿幸福甜蜜的感覺久久不散,都係果句「一切盡在不言中」!
花了近兩小時多的佈置、拍照......,三點開餐了,辛苦哂大家!:D
為了這頓豐富的大餐......小高決定豁出去,破戒......吃多點 ~
為答謝好姊妹們,我和妹chi準備了小小心意作為回禮禮物,希望喜歡!:)
Party 後還有餘興特備節目,就是《秋日大放送之BB蕉》,遲些再分享! ^^
真係好鄧小高同主任開心,眼見我認識同我同年,都係2010年結婚的朋友仔,都陸續懷孕生b,唔知幾時先到袁太呢 ^^
回覆刪除袁太,感謝你!^^
刪除快架啦、快架啦 ~ 只要做好準備,小生命會在你不經意的時候出現,會為你們帶來驚喜和無限的喜悅架!
小高也十分期待聽到你們的好消息!:D
你的好姊妹真的好有心啊!! 呢份禮物真係一世難忘呀~~~
回覆刪除小洚,她們真的很用心,能夠識到佢吔真是小高福氣,呢份禮物真係會銘記在心!
刪除好sweet,而且你朋友的手藝還十分好呢~~衷心替你們高興呀!
回覆刪除艾華斯,我班好姊妹實在太棒了,佈置得一絲不不苟,簡直唔相信o係自己可以做到,到依家我都有keep住部份的佈置,唔捨得折走呢 ~
刪除sweet 呀 ^^
回覆刪除小高,一切順利呀 ^^
謝謝Sammi的祝福喔 ~
刪除恭喜恭喜!真戥你同主任高興!
回覆刪除Side B, 好多謝你呀!:D
刪除SO SWEET!~~小高~你個肚好大~~~同埋又冇肥好多喎~陀得好靚呀!~~
回覆刪除送上祝福~!!!!一切順利呀
黃師奶,多謝你為小高送上祝福!係呀係呀 ~ 打從六個月開始肚子就明顯大了,呢個月就更甚!^^
刪除幸運地,肥B不肥媽,我真係唔係重左好多o乍,重左約十磅左右,起初都怕重得少,營養師本來要我控制飲食,之後都叫我加返d嘢食,不過見醫生時都話bb size正常,不用擔心,醫生說媽媽的體重多與少不重要,最緊要都係bb的size o岩就得!:D 聽他這樣說才安心點。
所以呢 ~ 我都著返平時d衫,係買左幾條大肚媽媽褲!:D
好窩心呀!連飲管都係粉紅扭紋,
回覆刪除真係一絲不苟,小高你身邊有咁多好朋友真係好好呀~
芙芙,謝謝呀!小高非常感恩,我遇上的太多是好人,在我身邊的全是真心相待的好朋友,連家人都十分疼惜我,小高感到無比幸福快樂 ~
刪除好姊妹為了這個派對真係落足心機,一些不顯眼的地方都做得很細緻,真係好厲害!:D
Sorry, 我太耐無來訪...恭喜!好替你地開心,祝一切順利!
回覆刪除一仔媽,唔好咁講啦 ~ 你得閒先來看小高吧!^^
刪除謝謝祝福 >3